Sjukepleiar/helsesekretær

Kort om stillinga og arbeidsoppgåvene

Suldal legekontor har ledig vikariat 60-100 %, snarast til og med august. Vikariatet kan verte forlenga.

Stillinga er organisert som en del av eining helse, avdeling legekontor. Me har eit ungt og framoverlent arbeidsmiljø og kan tilby gode arbeids- og lønsforhold. Helse har mykje tverrfagleg samarbeid med heimesjukepleie, sjukeheimen, kreftkoordinator, fysioterapi, helsestasjon og spesialisthelseteneste.

Arbeidsoppgåver
Besvare telefon og meldingar, ta imot pasientar og vurdere kontakter mot legevakt/fastlege og bistå i forbindelse med pasientbehandling. Undersøking som EKG, blodtrykk, spirometri, m.m., assistanse ved undersøking og kirurgiske inngrep, samt skadestuearbeid som sårskift, suturfjerning, øreskylling med meir.

Vedlikehald og kontrollrutinar på apparat, medisinsk behandlingsutstyr og akutt behandlingsutstyr.

Opplæring vil bli gitt.

Personlege eigenskapar og kvalifikasjonar
Personlege eigenskapar vert vektlagt.

Som søkjar må du:

• vera løysingsorientert
• ha gode norskkunnskapar, munnleg og skriftleg
• kjennskap til norsk helsevesen
• kjennskap til kommunalt tenestetilbod
• ha gode samarbeids- og kommunikasjonsevner
• evner å arbeida i team og sjølvstendig, samt vera strukturert
• evne å bidra til gode føresetnadar for kompetanseoverføring til andre tilsette i kommunen
• ha IKT kunnskap
• vere autorisert sjukepleiar eller helsesekretær
• ha gode nynorskkunnskapar, skriftleg og munnleg. 

Dokumentasjon på utdanning og attestar frå tidlegare arbeidsforhold vert etterspurt ved innkalling til intervju.

Kommunen kan hjelpa til med å skaffa bustad. Suldal kommune har god barnehagedekning.

Velkomen som søkjar! Me ser fram til å høyra frå deg.

Kort om arbeidsgjevar
For å løysa og utvikla oppgåvene til kommunen vår, treng me engasjerte og kompetente medarbeidarar, som opplev at oppgåvene og bidraget deira er meiningsfylte og del av eit viktig samfunnsoppdrag. Suldal kommune er ein lærande organisasjon, og har gode ordningar for kompetanseutvikling og vidareutdanning.

I vår kommune kan du kombinera ein periodevis hektisk jobb med eit kvardagsliv som gir deg rom for å kopla av både i naturen og i det urbane miljø. Suldal har ein spanande og variert natur, med alt frå lune fjordar til høge fjellområde og lokale toppar. Det er framifrå moglegheiter for friluftsliv både sommar og vinter. Samtidig er det gode lokalmiljø og koselege sentrumsområde, og eit særskilt rikt og variert kulturliv.

Søkjar må ha førarkort klasse B og disponere egen bil.

Suldal kommune gjer merksam på at søkjarlistene kan verta offentleggjorde.