Sommarjobb ved Suldal heimeteneste

Sommarjobb i Suldal kommune

Ved å jobba som sommarvikar i Suldal kommune kan du få spennande erfaring som kan koma godt med seinare i livet.

Me lover å ta godt vare på deg, og vil gjera vårt beste for at sommaren 2025 skal bli fin og lærerik på jobb. Me har gode bonusordningar for sommarjobbar i pleie og omsorg. Du blir invitert til sommarfesten 2025, som er for alle sommarvikarane i Suldal kommune.

Suldal heimeteneste søkjer sommarvikarar i vekene 25-33 (16.06-14.08.2025)

Hos oss kan du jobba i heimesjukepleien eller psykisk helse som pleiemedarbeidar eller miljøarbeidar. Dette vil vere aktuelt for elevar og studentar i alle helse og sosialfag, og deg som er helsefagarbeidar, sjukepleiar eller vernepleiar. 

Me ser også etter deg som ønskjer å vere sommarvikar til heimehjelpsoppdrag, og som vil jobba med reinhald i tenestemottakaren sin heim. Som heimehjelp kan du søkje etter første året på vidaregåande, uavhengig av kva linje du har gått.

Arbeidstid:

Arbeid er i turnus med arbeid på dag, kveld, natt og kvar 2. helg. Langvakter på 12,5 timar kan og vera aktuelt. 

Hugs å skrive i søknaden kva veker du ønskjer å arbeida.

Kva kan me tilby deg som sommarvikar?

• Me vil gi deg god opplæring og støtta deg undervegs
• Du vil arbeide sjølvstendig og i team
• Faglege og personlege utfordringar
• Me har eit godt og inspirerande arbeidsmiljø
• Bonus! Det vart gjeve eit tillegg på 1500 kroner for den fjerde arbeidsveka og deretter 3500 kroner per veke frå den femte veka for ferievikarar i turnusarbeid

Du vil trivast hos oss dersom du:

• Likar teamarbeid der du må løyse utfordringar saman med andre
• Er fleksibel, lojal og påliteleg
• Ønskjer å jobbe innan psykiatrisk eller somatisk heimeteneste med heimesjukepleie, praktisk bistand, miljøarbeid eller dagsenter

Me ser etter

• Deg med erfaring frå liknande arbeid
• Du har gode norsk-kunnskapar skriftleg og munnleg.
• Du har førarkort klasse B

Annan informasjon

• Me vektlegg personlege eigenskapar
• Me føretrekk søkjarar som kan jobba mange veker
• Aktuelle søkjarar blir kalla inn til intervju.
• Det er krav om godkjend politiattest etter gjeldande lovverk ved tiltrede. Attesten kan ikkje vere eldre enn tre månadar
• Kontaktinformasjon for stillinga finn du til høgre for annonsa
• Kommunen følg offentlighetslova § 25 ved eventuell offentleggjering av søkjarliste

Slik søkjer du

• Klikk på «send søknad» og følg vidare instruksjonar.
• Du kan logge inn via ID-porten, med brukarnamn og passord, via Facebook-profil eller søkje utan å logge inn. Til meir du fyller ut, til betre blir du sjåande ut på søkjarlista.
• Me ber om at du legg ved attestar og vitnemål i søknaden. Om du ikkje har dei elektronisk kan du ta dei med på intervju
• Treng du hjelp? Då kan du kontakta oss på telefon 52 79 22 00