Me har ledig 100 % vikariat som lærar på Introsenteret i Suldal i perioden 01.08. -31.12.2025. Stillinga kan forlengast ved behov.

Om eininga:

Introsenteret i Suldal har ansvar for busetting og kvalifisering for flyktningar og opplæring i norsk, samfunnskunnskap, grunnopplæring for vaksne og individuelt tilrettelagt undervisning. Eininga spelar ei sentral rolle i det kommunale integreringsarbeidet og samarbeider med ei rekke aktørar for å kunna gi eit godt tilbod til personar som blir busette i kommunen etter avtale med Integrerings- og Mangfaldsdirektoratet.

Om stillinga:

Stillinga vil i vera i vaksenopplæringa med fokus på undervisning for vaksne deltakarar i norskopplæring og grunnopplæring.

Me søkjer deg med fagleg kompetanse og samarbeidsevner som vil væra med å bidra til eit godt opplæringsmiljø for vaksne der kvalifisering og kompetanseutvikling mot arbeid og utdanning står sentralt.

Arbeidsoppgåver:

• Undervisa i norsk etter integreringslova og førebuande opplæring for vaksne etter opplæringslova
• Kontaktlæraransvar med oppfølgingssamtalar med deltakar minst ein gong pr termin, eventuelt i saman med flyktningkonsulent, NAV-rettleiar, representant frå bedrift, rådgjevar frå vidaregåande skule eller andre relevante personar, eventuelt følgja opp deltakarar i praksis og/eller arbeid
• Tileigna seg kunnskap om deltakars kompetanse frå tidlegare kartlegging eller kartlegga sjølv i Visma Velferd Voksenopplæring og/eller IMDinett og utvikla plan for opplæringa for kvar deltakar og følgja dei opp i samsvar med gjeldande overordna lov- og planverk og rutinar 
• Journalføra, føra fråvær og registrera planar og mål i Visma Velferd Voksenopplæring og Nasjonalt introduksjonsregister
• Setta seg inn i rutine for tolkebruk og bruk av fagsystem 
• Rettleia eller sikra god rettleiing ift vidare utdanning og kvalifisering for deltakarar (i samarbeid med flyktningkonsulent for introdeltakarar) 
• Vidareutvikla god praksis og rutinar saman med kollegaar med utgangspunkt i gjeldande lov- og regelverk og vedtak etter LEAN-prinsippa

Andre oppgåver kan bli lagt til stillinga.

Kvalifikasjonar:

• Godkjent undervisningskompetanse for grunnskule
• Norsk som andrespråk
• Fordjuping i undervisningsfaga matematikk, naturfag og samfunnsfag
• Erfaring frå vaksenopplæring
• Erfaring frå bruk av Visma Velferd Voksenopplæring og IMDinett
• Kunnskap om integreringslova og ny opplæringslov og modulstrukturert opplæring
• Tilfredsstillande IKT-kompetanse
• Fleirkulturell forståing
• Erfaring med læringsbrett som undervisningsverktøy

 Personlege eigenskapar:

• Ha svært gode samarbeidsevner og samstundes ha god evne til å arbeida sjølvstendig og målretta med undervisning og opplæring
• Ta leiarskap innanfor ansvarsområdet
• Vera fleksibel, positiv og løysingsorientert
• Du må trivast saman med deltakarar og kollegaar
• Ta initiativ og vera med på å utvikla eininga
• Vera fagleg bevisst og godt førebudd til undervisning
• Kunna samarbeida godt med andre, både internt og eksternt
• Delta aktivt i kollegiet
• Ha gode kommunikasjonseigenskapar og -kunnskapar
• Ha godt utvikla empatiske evner og eit tverrkulturell perspektiv
• Toleranse for rask omstilling og høgt arbeidstempo i periodar 

I Suldal kommune og på Introsenteret får du:

•  Faglege og personlege utfordringar i eit godt og inspirerande arbeidsmiljø
•  Engasjerte og dyktige kollegaar
•  Gode pensjons- og forsikringsordningar
•  Bedriftshelseteneste
•  Løn- og tilsetjingsvilkår i samsvar med lov- og avtaleverk
•  Nynorsk som administrasjonsspråk

Andre opplysningar:

• Aktuelle søkjarar blir kalla inn til intervju
•  Det er krav om godkjend politiattest etter gjeldande lovverk ved tiltrede og denne kan ikkje vera eldre enn tre månadar
•  Kontaktinformasjon for stillinga finn du til høgre for annonsa
•  Kommunen følgjer Offentleglova § 25 ved eventuell offentleggjering av søkjarliste

Slik søkjer du:

• Me ber om at du søkjer elektronisk. Klikk på «send søknad» og følg vidare instruksjonar.
• Du kan logge inn via ID-porten, med brukarnamn og passord, via Facebook-profil eller søkje utan å logge inn. Dess meir du fyller ut, dess betre vert du sjåande ut på søkjarlista.
• Me ber om at du legg ved attestar og vitnemål i søknaden. Om du ikkje har dei elektronisk kan dei takast med til intervju.
• Treng du hjelp, kan du venda deg til Servicetorget på tlf 52 79 22 00

Velkomen som søkjar! Me ser fram til å høyra frå deg!