Sjukepleiar

Me søkjer sjukepleiar i 100 %  fast stilling,  ei kombinert stilling mellom Heimesjukepleien (natt)  og Sjukeheimen (kveld).

Suldal heimeteneste og Suldal sjukeheim går no inn i eit samarbeid om ein 100 % stilling for slik å opne for nye løysingar inn i ei ny tid.  Vil du bli med på laget?

Suldal heimetenester er den største kommunale eininga i Suldal og består av to avdelingar-  Heimesjukepleien og Psykisk helse m/ tildelingskontoret. Me er om lag 90 tilsette fordelt på omlag 55 årsverk. Me yt tenester til innbyggjarar i alder 0 -100 år + , heile døgnet, og har tenestemottakarar i heile kommunen. Me er engasjerte og framtidsretta, og jobbar etter arbeidsmetodar som fokuserer på «Gode pasientforløp». Som nattevakt hos oss vert du del av ei viktig gruppe som skal trygge pasientar og pårørande i sårbare situasjonar, i godt samarbeid med dine kollegaer, inkl våre øvrige tenester i kommunen.

Suldal Sjukeheim  stod klar i mai 2025, og er eit topp moderne og nybygd helsebygg i Sand sentrum med nærleik og flott utsikt til Sandsfjorden. Her finn du 38 lyse og funksjonelle bebuarrom tilpassa både personar med ulike demensgrader og andre somatiske behov, i tillegg til dagsenter, sentralvaskeri og eit storkjøkken. Bygget har fleire sentrale atrium og grønareal for fokus på trivsel og høve for kvile og oppleving for bebuarar, pårørande, besøkande og tilsette. Her får du høve til å jobba i eit av Noregs mest moderne sjukeheimar, med engasjerte kollegaer i eit arbeidsmiljø som ønskjer å være kvalitetsbyggande, sterkt og  inkluderande.

Om stillinga

• Stillingsstorleik: 100 % (fordelt som 60 % natt i Heimesjukepleien + 40 % kveldsvakter på vekedagar på Sjukeheimen) Heimetenestene og Sjukeheimen ligg i gåavstand til kvarandre.
  
• Stillingstype: Fast stilling
• Stillinga er i turnus med langvakt  kvar 4. helg.
• Tiltreding: 14.12.25 (gjerne med oppstart 2 veker før for opplæringsvakter, alt etter behov)

Arbeidsoppgåver:

• Yte omsorg, pleie og tilsyn jf vedtak knytt til tenestemottakarane sine behov.
• Dokumentere i EPJ.
• Halde deg oppdatert med  gjeldande rutinar (jf Compilo)
• Ta initiativ til/ være del av forbetringsarbeidet på arbeidsplassen (jf kommunen si satsing innan LEAN).

Kvalifikasjonar: 

• Norsk autorisasjon som sjukepleiar.
• Du må beherska norsk skriftleg og munnleg (B2-nivå).
• Førarkort kl. B.  
• Det er ein fordel om du kjenner til CosDoc, og kjenner til hovedtankane og arbeidsmetodane knytt til  «Gode pasient forløp».

Personlege eigenskapar
Me søkjer deg som har:

• Evne til å sjå andre sine behov
• Klarer å jobbe i team
• Er fagleg engasjert
• Har gode kommunikasjons- og samarbeidsevner
• Er sjølvstendig
• Klarer å stå i nattarbeid som server både brukarane i heiemsjukepleien og psykisk helseteneste.
• Du må like å ta ansvar og ha evne til å bidra til godt arbeidsmiljø.

Hos oss i Suldal kommune får du

• Faglege og personlege utfordringar i eit arbeidsmiljø vi alltid arbeider for skal vært godt og inspirerande.
• Du får engasjerte og dyktige kollegaer og gode moglegheiter til fagleg utvikling.
• Gode pensjons- og forsikringsordningar
• Bedriftshelseteneste
• Løn- og tilsetjingsvilkår i samvar med lov- og avtaleverk
• Nynorsk som administrasjonsspråk
• Me har rekrutteringsbustadar du kan søkje på for å prøvebu i Suldal, https://www.suldal.kommune.no/om-kommunen/bu-og-jobb-i-suldal/provebu-suldal/

Spørsmål om stillinga kan rettast til:
Heimesjukepleien:
Avd leiar Anna Fauskanger Lunde (mob 97 76 70 32)
Einingsleiar Svanhild Løge Skålheim ( mob 99 36 25 23)

Sjukeheimen:
Avd leiar Laila Øxtra (mob 91 34 77 86)
Einingsleiar Anne K Egebjerg (mob 91 15 72 90)

Andre opplysingar

• Aktuelle søkjarar vert kalla inn til intervju
• Det er krav om godkjent politiattest etter gjeldande lovverk ved tiltredning. Attesten kan ikjke vere eldre enn tre månadar
• Kommunen følgjer offentlighetslova § 25 ved eventuell offentliggjering av sækjarliste

Slik søkjer du

• Me ber om at du søkjer elektronisk. Klikk på "send søknad" of gølg vidare instruksjonar
• Du kan logge inn via ID-porten, med brukarnamn og passord, via Facebook-profil eller søkje utan å logge inn. Dess mer du fyller ut, dess betre vert du sjåande ut på søkjarlista
• Me ber om at du legg ved attestar og vitnemål i søknaden. Om du ikkje har dei elektronisk kan dei takast med til intervju
• Treng du hjelp kan du kontakte kommunen på tlf. 52 79 22 00