HR-rådgjevar

Suldal kommune lyser ut 100 % fast stilling frå 1.februar 2026.

Suldal kommune er i ei spanande utvikling, og me ser etter ein HR-rådgjevar som kan vere ein trygg og støttande ressurs når endringar skjer. Suldal kommune er ein kommune med rundt 530 tilsette, hjå oss får du ei sentral rolle i å styrke leiarar og bidra til utviklingsarbeid på tvers av heile organisasjonen. Suldal kommune er ein LEAN-kommune, og me har fokus på forbetringsarbeid i heile organisasjonen.

Om stillinga
Du blir ein av to likestilte HR-rådgjevarar i kommunen, og saman løyser de både operative og strategiske oppgåver. I Suldal kommune er me opptatt av å arbeida på tvers av fag. Difor skjer HR-arbeidet i nær kontakt med kommunikasjon, slik at ein saman utviklar gode løysingar for organisasjonen. Som HR-rådgjevar jobbar du i eininga Organisasjon og innbyggarkontakt som består av tilsette som jobbar med merkantile oppgåver, politisk sekreteriat, kommunikasjon, post og arkiv.

Arbeidsoppgåver
Som HR-rådgjevar vil du ha ei variert og viktig rolle i organisasjonen. Du gjer rådgjeving og støtte til leiarar i HR-relaterte spørsmål og sikrar at kommunen har god kompetanse på lov- og avtaleverk, HMS-arbeid, sjukefråværsoppfølging, forsikring og pensjon. Du leier ulike utviklingsprosjekt, skriv saker til politisk handsaming og deltek i lønsforhandlingar. I tillegg bidreg du til digitalisering og effektivisering, fasiliterer ulike utval og deltek i prosjekt som styrkar kommunen si evne til å løyse samfunnsoppdraget. I dette arbeidet vil du ha tett samarbeid med tillitsvalde og verneombod. Arbeidsoppgåvene kan bli justerte etter behov.

Kvalifikasjonar

• Høgare utdanning frå høgskule eller universitet innan relevant fagfelt.
• Det er ønskjeleg, men ikkje eit krav, om erfaring innan arbeid med HR.
• Suldal kommune nyttar nynorsk som skriftspråk, og me ønskjer at du har god evne til å uttrykkje deg både skriftleg og munnleg.

Personlege eigenskapar
Me legg stor vekt på personleg eignaheit. Me ser etter ein person som trivst med utfordringar og ansvar, som er modig, open og tillitsvekkande. Du har høg integritet, er bevisst rolla di, ser moglegheiter og er løysingsorientert. Du kan og vil ta ansvar, du har evne til å bygge gode relasjonar og skape samarbeid på tvers av organisasjonen.

Kva tilbyr me?

• Støtte til deler av medlemskap på treningssenteret Stas-Knallform.
• God opplæring og moglegheit for vidareutdanning og kurs.
• Rekrutteringsbustadar du kan søkje om å få leige. Sjå meir informasjon på heimesida vår.
• Løn etter avtale

Andre opplysningar:

• Aktuelle søkjarar vert kalla inn til intervju
• Kommunen følgjer offentlighetslova § 25 ved eventuell offentleggjering av søkjarliste

Har du lyst til å vere med og forme framtida i Suldal kommune? Då vil vi gjerne høyre frå deg! Lytt gjerne til Suldal kommune sin podcast Kraftlaget der første episode handlar om blant anna Organisasjon og innbyggarkontakt.

Har du spørsmål utover det som kjem fram i stillingsannonsa kan du ta kontakt med HR-rådgjevar Gorm Hol på mob 45 65 14 89 eller HR-rådgjevar Elise Nedrejord på mob 95 98 58 34.

Send oss søknaden din og bli med på Kraftlaget vårt!