Reinhaldsoperatør

Likar du å jobba med reinhald? Er du opptatt av å halda det reint? Er du brennande opptatt av kvalitet?

Me søkjer deg som er ute etter ein spennande arbeidskvardag, er ansvarsfull og likar å jobba med eit fysisk krevjande yrke. Du gjer ting nøye og kvalitet er viktig for deg.

Me har ledig fast stilling som reinhaldsoperatør i Kjølvikstølen barnehage frå og med 01.06.2026.

Reinhaldsavdelinga ligg under Teknisk Drift.

Barnehagen ligg midt på Ropeidhalvøya, lokalisert saman med grendehus, idrettsbane og ved sidan av Kjølvikstølen bustadfelt.

I Kjølvikstølen er det ein småbarnsavdeling og ein storbarnsavdeling.

Om stillinga:

• Stillingsstorleik: 25%
• Stillingstype: Fast 
• Arbeidsstad:  Kjølvikstølen barnehage

Tidlegare oppstart kan avtalast.

Arbeidsoppgåver

• Arbeidsoppgåver er dagleg og periodisk reinhald 
• Arbeidet vert utført på dagtid.

Kvalifikasjonar:

• Erfaring innan reinhaldsfaget 
• Fagbrev som reinhaldsoperatør.
• Andre kan og søkja men vil då bli tilsett som reinhaldar.
• Kunna arbeide sjølvstendig og trivast med å arbeide saman med andre.
• Kunna planleggja eigen arbeidsdag, vera løysingsorientert og fleksibel.
• Evne til å takle ulike utfordringar som andre kan ha
• Evne til samarbeid med andre yrkesgrupper
• Gode norskkunnskapar, både munnleg og skriftleg
• Førerkort klasse B

 Hjå oss i Suldal kommune får du:

• Gode pensjons- og forsikringsordningar igjennom KLP
• Bedriftshelseteneste
• Løn- og tilsetjingsvilkår i samsvar med lov- og avtaleverk
• Nynorsk som administrasjonsspråk

Andre opplysningar:

• Aktuelle søkjarar vert kalla inn til intervju
• Det er krav om godkjend politiattest etter gjeldande lovverk ved tiltreding. Attesten kan ikkje vere eldre enn tre månadar
• Kontaktinformasjon for stillinga finn du til høgre for annonsa.
• Kommunen følg offentlighetslova § 25 ved eventuell offentlieggjering  av søkjarliste

Slik søkjer du

• Me ber om at du søkjer elektronisk. Klikk på «send søknad» og følg vidare instruksjonar.
• Du kan logge inn via ID-porten, med brukarnamn og passord, via Facebook-profil eller søkje utan å logge inn. Dess meir du fyller ut, dess betre vert du sjåande ut på søkjarlista.
• Me ber om at du legg ved attestar og vitnemål i søknaden. Om du ikkje har dei elektronisk kan dei takast med til intervju.
• Treng du hjelp, kan du venda deg til Servicetorget på tlf 52 79 22 00

Velkomen som søkjar! Me ser fram til å høyra frå deg.